Në emisionin “Opinion” të së mërkurës 6 Shtator 2023, është trajtuar tema “Bukuritë mbresëlënëse të Malësisë së Jugut!”.
“Opinion” do të zbulojë destinacione të ndryshme në Shqipëri. Destinacioni i sotëm është shumë interesant. Është një rrugëtim që gazetari Blendi Fevziu së bashku me stafin e tij ka bërë nëpër Labëri, duke nisur nga Tepelena, Peshtani, e duke u kthyer në Nivicë e deri në Kuç. Ky itinerar do të jetë i ndarë në 3 pjesë. Në emisionin e parë, Opinion fokusohet në 3 destinacione mjaft interesante, të ndarë midis Peshtanit, Tepelenës dhe Përmetit dhe zonës së Nivicës. Janë destinacione shumë interesante pasi brenda tyre ka një bukuri mahnitëse natyrore, por edhe struktura turistike të cilat janë impresionuese.
Emisioni i sotëm fokusohet në 4 vende interesantë:
1-Camp Nivica, është një kamp i nisur nga një suedeze e quajtur Astrid Lindberg. Ajo është një suedeze e cila ka lënë vendin e saj dhe ka ngritur një kamp me 6 tenda afrikane të sjella nga Afrika në Nivicë, më një pamje mahnitëse.
2-Te fshati i Nivicës, te bujtina mbi kanion në Nivicë, që po ashtu është një destinacion shumë i bukur dhe autentik për të ruajtur traditat dhe vlerat shqiptare. Një kontrast midis dy bujtinave.
3-Po ashtu, Opinion shkon në Ujëvarën e Peshturës, një prej mrekullive të Shqipërisë. Një ujëvarë me 4 kate, me një temperaturë uji prej 13-14 gradësh. Dy prej kateve janë sipër, ndërsa më poshtë ka dy kate të tjera, ndërsa po ashtu ka dhe një pellg ku mund të lahesh. Një destinacion fantastik!
4-Më tej, Opinion shkon në Peshtan ku miksohet jo vetëm kulinaria, jo vetëm bukuria e jashtëzakonshme natyrore e malit të Golikut dhe zonave rreth e rrotull, por edhe një minimuze i ngritur nga një çift, Mira dhe Shpëtim Muka, të cilët kanë arritur të krijojnë një minimuze të luftës italo-greke në natyrë dhe njëkohësisht një vend jashtëzakonisht interesant që shënohet edhe në shumë prej guidave ndërkombëtare. Aty mund të takosh turistë të huaj, ashtu siç ndodhi me stafin Opinion. Gazetari Blendi Fevziu u takua me një grup turistësh gjermanë të cilët ishin njohur me këtë vend në një nga dokumentarët e televizionit gjerman. Mund të shohësh sesi Mira Muka është jo vetëm një zonjë mikpritëse, por është edhe një guidë spektakolare e luftës italo-greke, ndoshta duke ia kaluar edhe historianëve.
Për ta ndjekur këtë rrugëtim, shihni emision e plotë të Opinion.
