Në 4 shtator, Presidentja e Kosovës, Vjosa Osmani vjen në një vizitë dy ditore në Tiranë me ftesë të Presidentit Bajram Begaj.
Kjo do të jetë vizita e parë e Osmanit me ftesë të homologut të saj nga Tirana.
Në kuadër të kësaj vizite, Presidenca ka zbardhur axhendën e këtij takimi përmes një njoftimi për shtyp.
Kjo vizitë pritet të nisë me një ceremoni zyrtare mirëseardhje në Institucionin e Presidencës.
AXHENDA
04 shtator 2023
10:00 – Ceremonia Zyrtare e Mirëseardhjes në Institucionin e Presidentit të Republikës së Shqipërisë.
Vijohet me takimin mes dy Presidentëve dhe më pas takimin e zgjeruar mes delegacioneve.
11:40-12:05 Konferencë për shtyp e dy presidentëve.
Përgjatë qëndrimit në Shqipëri, Presidentja Osmani ka parashikuar edhe takime të tjera të nivelit të lartë.
