Si sot 26 vjet më parë nisi emisioni “Opinion”. Gazetari Blendi Fevziu në një postim në rrjetet sociale shkruan se në katër vitet e para emisioni quhej “E diela Debat” dhe “Debat”, ndërsa thekson se në vitin 2001 mori emrin “Opinion”.
Teksa thotë se “Opinion” po hyn në vitin e 27-të, Fevziu shton se janë realizuar mbi 3000 emisione me mbi 8000 të ftuar.
“Si sot 26 vjet më parë nisi emisioni “Opinion”. Në 4 vitet e para ai quhej “E diela Debat” dhe “Debat”. Në 2001 mori emrin “Opinion”. Emisioni nisi në TVSh të dielën në 20:30. Po në këtë ditë vijoi në Klan Tv nga Shtatori 1998. Nga 2001 u quajt “Opinion”. Unë isha 28 vjeç dhe 3 here kisha dalë përpara kameras. Po sot kemi 26 vjet në transmetim dhe hymë në të 27-tin. Mbi 3000 emisione dhe mbi 8000 të ftuar në 26 vjet”-shkruan Blendi Fevziu.
