Vazhdon prej 11 ditësh beteja e zjarrfikësve me flakët në Evros .
Sipas analizës së të dhënave satelitore, sipërfaqja totale e djegur nga zjarri i pyllit të Evros, që erdhi si rezultat i kombinimit të zjarreve në Aleksandropolis dhe Dadia, i kalon 808,000 hektarë (deri më 28.08.2023, ora 12:28 me orën lokale).
Vizualizimi i zonës së djegur u krye nga njësia METEO e Observatorit Kombëtar të Athinës.
Për sa i përket pamjes së zjarrit në këto momente, sipas Zjarrfikësve, operacionet e shuarjes së zjarrit janë fokusuar në Lefkimmi, Leptokarya dhe Treis Vryses, ku ka ndezje të shpeshta. Në të njëjtën kohë me zjarrin e Rodopit, flakërime ka edhe në zonën e Kassiterës dhe Kirkit.
Në total, 475 zjarrfikës me 100 automjete, 16 grupe këmbësorësh po punojnë për shuarjen e zjarreve në Evros dhe Rodopi, ndërsa 6 avionë dhe 4 helikopterë po spërkasin ujë nga ajri./Opinion.al
