Sipas Autoritetit të Aviacionit Civil prej Janarit deri më 27 Gusht janë përpunuar të dhënat e mbi 4 milionë e 500 mijë pasagjerëve në Rinas.
Vetëm në muajt Korrik-Gusht kanë përdorur aeroportin e Rinasit mbi 1 milionë e 600 mijë udhëtarë, shifër e cila pritet të jetë më e lartë deri në mbyllje të muajit për shkak të fluksit të madh.
Nga fluksi i madh gjatë sezonit turistik, sipas Kreut të Aviacionit Civil Shqiptar numri i avionëve dhe pasagjerëve ka kaluar çdo pritshmëri.
Synimet e autoriteteve janë shtimi i sa më shumë kompanive ajrore me çmime konkurruese çka do të ndikojë më tej në fluksin e udhëtarëve.
Promovimi që i është bërë vendit tonë në mediat ndërkombëtare përgjate gjithë vitit ka patur impakt të drejpërdrejtë në bumin turistik që pati dhe vijon të ketë Shqipëria nga turistët e huaj./ Tv Klan
