Një problem teknik ka bërë që sistemet e kontrollit të trafikut ajror në Mbretërinë e Bashkuar të mos funksionojnë siç duhet.
Shërbimet Kombëtare të Trafikut Ajror të Britanisë bënë të ditur se po përballen me disa probleme teknike të cilat kanë sjellë kufizime të qarkullimit të trafikut për të ruajtur sigurinë.
NATS, kontrollorët kombëtarë të trafikut ajror, tha në një deklaratë:
“Aktualisht jemi duke përjetuar një problem teknik dhe kemi aplikuar kufizime të qarkullimit të trafikut për të ruajtur sigurinë. Inxhinierët po punojnë për të gjetur dhe rregulluar defektin.”
Agjencia evropiane e kontrollit të trafikut ajror, Eurocontrol, thotë se Britania “po përjeton një dështim të sistemit të përpunimit të të dhënave të fluturimit” duke shkaktuar vonesa “shumë të larta”.
Avionët janë mbledhur në Heathroë dhe Gatëick ndërsa problemet teknike goditën kontrollin e trafikut ajror.
Kompania shtoi:
“Ndërsa ky ndërprerje është jashtë kontrollit tonë, ne sinqerisht kërkojmë falje për ndërprerjen e planeve tuaja të udhëtimit sot”.
Ndërkohë autoritetet bëjnë me dije se nuk ka detaje rreth asaj që mund ta ketë shkaktuar problemin apo dhe sa kohë do të duhet për ta rregulluar./Opinion.al
