Agjencia Federale e Transportit Ajror të Rusisë publikoi të mërkurën emrat e dy pilotëve dhe një stjuardese që ishin në bordin e avionit privat të shefit të Wagner, Yevgeny Prigozhin kur avioni u rrëzua, duke vrarë të gjithë personat në bord.
Duke cituar linjën ajrore, agjencia dha emrat e ekuipazhit të cilët, sipas CNN janë:
Kapiten Aleksei Levshin.
Bashkë-pilot Rustam Karimov.
Stjuardesa Kristina Raspopova.
Dhjetë persona ishin në bordin e avionit, raportojnë mediat shtetërore ruse.
Më parë, Agjencia Federale e Transportit Ajror ndau emrat e pasagjerëve që tha se ishin në bord, përveç Prigozhin. Ata ishin:
Sergej Propustin.
Evgeniy Makaryan.
Aleksandër Totmin.
Valeriy Chekalov, një ndihmës i lartë i Prigozhin, i caktuar nga Thesari i SHBA për të vepruar “për ose në emër të Prigozhin”.
Dmitriy Utkin, krahu i djathtë i Prigozhin, një toger i besuar i tij që nga fillimi i Grupit Wagner dhe Nikolai Matuseev.
Media shtetërore ruse tha më herët se tetë trupa janë gjetur në vendin e rrëzimit të avionit./Opinion.al
