Një 15-vjeçar ka rënë në kontakt me rrymën elektrike, teksa po punonte në një lavazh në Dimal dhe si pasojë ka humbur jetën. 15-vjeçari punonte si ndihmës në lavazh.
Për ngjarjen është arrestuar 37-vjeçari A. H., pronar I lavazhit I cili akuzohet për “Shkelja e rregullave të mbrojtjes në punë”.
Policia bën me dije se vijojnë hetimet në lidhje me ngjarjen.
‘Specialistët e Seksionit për Hetimin e Krimeve të Stacionit të Policisë Dimal arrestuan në flagrancë shtetasin A. H., 37 vjeç, banues në Dimal, për veprën penale “Shkelja e rregullave të mbrojtjes në punë”.
Mëngjesin e sotëm, në lavazhin në pronësi të 37-vjeçarit, një shtetas 15 vjeç, banues në Dimal, i cili punonte si ndihmës, në këtë lavazh, ka rënë në kontakt me rrymën elektrike dhe për pasojë, ka humbur jetën.
Në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Berat, vijojnë hetimet për të dokumentuar përgjegjësinë penale të shtetasit A. H.’- njofton policia.
