Është gjetur pas disa orësh automjeti tip “GLK”, i cili ishte vjedhur në Durrës dhe po lëvizte drejt Lezhës.
Uniformat blu bëjnë më dije se në aksin rrugor “Thumanë – Milot”, në fshatin Gjormë, shërbimet e Policisë Rrugore Lezhë, me përdorimin edhe të makinës inteligjente, kanë konstatuar se automjeti ishte i vjedhur.
Mësohet se shoferi në momentin që ka parë shërbimet e policisë, ka devijuar rrugën në tentativë për tu larguar bashkë me automjetin, por nuk ka mundur dhe duke përfituar nga errësira e natës, ka braktisur mjetin dhe është larguar me vrap.
“Gjetja e automjetit, rezultat i koordinimit të informacioneve dhe veprimeve ndërmjet Policisë Rrugore të Lezhës dhe Policisë së Durrësit.
Menjëherë pas njoftimit të marrë se në Durrës sapo ishte vjedhur një automjet tip “GLK” dhe dyshohej të vinte drejt Lezhës, shërbimet e Policisë Lezhë kanë intensifikuar kontrollet e monitorimet, me qëllim lokalizimin dhe ndalimin e këtij automjeti.
Si rezultat, në aksin rrugor “Thumanë – Milot”, në fshatin Gjormë, nga shërbimet e Policisë Rrugore Lezhë, me përdorimin edhe të makinës inteligjente, është konstatuar automjeti i vjedhur.
Drejtuesi i mjetit, në momentin që ka parë shërbimet e policisë, ka devijuar rrugën në tentativë për tu larguar bashkë me automjetin, por nuk ka mundur dhe në këto kushte, duke shfrytëzuar edhe përfituar nga errësira e natës, ka braktisur mjetin dhe është larguar me vrap”, njofton policia./Opinion.al
