Rusia ka akuzuar Ukrainën për shitjen e organeve njerëzore në tregun e zi dhe se “vendet e NATO-s” kishin rënë dakord me Kievin për “shpërndarjen” e “pjesëve të trupit”.
Zëdhënësja e Kremlinit Maria Zakharova pohoi se Ukraina po merr organe njerëzore nga ushtarët e saj që janë vrarë në luftë, nga ushtarët që janë gjallë dhe gjithashtu nga fëmijët.
Zakharova ka pohuar se Ukraina ka klientë në vendet e BE-së dhe NATO-s që paguajnë për organet e fëmijëve, rreth 21,000 £ për zemrat dhe për veshkat 11,000 £.
Ajo pohoi gjithashtu se Ukraina ka hequr organet nga trupat e vdekur ilegalisht që nga fundi i viteve 1990, gjë që me sa duket u përkeqësua shumë që nga viti 2014.
“Ka kohë që dihet se Ukraina është bërë një nga liderët botërorë të transplantologjisë së zezë,” shkroi ajo në Telegram.
Duke mos ofruar asnjë provë, ajo tha: “Ka prova”.
“Që në qershor 2023, përfaqësues të Ministrisë së Shëndetësisë të një prej vendeve të NATO-s ranë dakord me palën ukrainase për dorëzimin e një vagoni frigoriferik me organe dhe pjesë të trupit të njeriut, të cilat përdoren më shpesh në transplantologji.
Këto janë kornea e syrit, disa kocka, inde lidhëse, zemra dhe mëlçia”, shtoi ajo./Opinion.al
