Deputetja demokrate, Ina Zhupa, ka reaguar pasi SPAK sekuestroi Inceneratorin e Tiranës.
Përmes një statusi në rrjetin social “Facebook”, Zhupa thotë se ky është një lajm i mirë por në të vërtetë, sipas saj, incenerator nuk ka. Deputetja shprehet se peshqit e mëdhenj ende po notojë në paratë që i japin çdo ditë inceneratorit që nuk ekziston.
“SPAK sekuestron inceneratorin e Tiranës! Lajm i mirë por në fakt incenerator nuk ka. SPAK ka sekustruar letra dhe rrethon skenën e krimit sepse asnjë tullë nuk u vu për incenerator. Vite denoncime, nga Sharra, nga selia, nga kuvendi, ne gjykatë përballe Mirel Mërtirit dhe më fund u morr një masë për inceneratorin fantazëm. Peshqit e mëdhenj ende notojnë në paratë që i japin çdo ditë inceneratorit që nuk ekziston! Asgjë nuk do bëhej pa vullnetin dhe firmën e Ramës dhe Veliajt”-shkruan Zhupa.
