Vendimi i qeverisë shqiptare për të vazhduar zgjatjen e periudhës së paraburgimit të kryebashkiakut të Himarës, Fredi Beleri, është një çështje me prioritetit të lartë dhe kthesë e marrëdhënieve greko-shqiptare, shkruan media greke Kathimerini.
Vendimi i marrë nga qeveria e kryeminstrit Rama, ku vendosi të burgoste zotin Beleri para zgjedhjeve, padyshim që nuk mund të vazhdojë as me të njëjtin ritëm dhe as me të njëjtin intensitet, derisa t’i hiqet ky “gjemb në marrëdhëniet dypalëshe”.
E gjithë kjo ndodh derisa në Maqedoninë e Veriut fqinje miratohen dhe zbatohen reformat, si rezultat i të cilave ato “zhbllokojnë” hapat në rrugën e anëtarësimit të vendit në Bashkimin Evropian. Ndërsa në Shkup po shkojnë drejt BE-së, në Tiranë çështja Beleri vepron si një pengesë shumë serioze.
Ky është, pak a shumë, mesazhi që Athina i ka dërguar në mënyra të ndryshme dhe nga të gjitha nivelet e mundshme qeverisë shqiptare dhe gjithashtu partnerëve evropianë të Greqisë. Hapi i radhës është letra që ministri i Jashtëm Giorgos Gerapetritis do t’u dërgojë homologëve të tij të BE-së, të cilëve do t’u shpjegojë se pse ndalimi i Belerit është një shkelje flagrante e çdo koncepti të shtetit ligjor, kusht i domosdoshëm për përfshirjen e çdo vendi në BE.
Zëdhënësi i qeverisë Pavlos Marinakis e dha këtë lajm ditën e djeshme:
“Shqipëria duhet të respektojë rregullat elementare të shtetit të së drejtës dhe është një çështje në të cilën vendi ynë do të vazhdojë të veprojë si prioritet absolut sepse ne duhet të mbrojmë edhe të drejtat e pakicës, si dhe një kryetar bashkie të zgjedhur ligjërisht.”
“Për Athinën kjo është një çështje me prioritet më të lartë. Kujtojmë se kryeministri Kyriakos Mitsotakis e ngriti këtë çështje në Samitin e fundit të Bashkimit Evropian në Bruksel, duke u prezantuar homologëve të tij situatën në Shqipëri”, u shpreh më tej Marinakis./Opinion.al
