Lulzim Basha ka reaguar pasi ish-kryeministri Sali Berisha e cilësoi ditën e sotme gjatë konferencës për media si peng të kryeministrit Edi Rama.
Përmes një postimi në rrjete sociale, Basha thotë se duhet votuar për vetingun e politikanëve për të parë se kush ka lidhje me krimin dhe korrupsinin.
“Të nisë transparenca nga unë” thotë Basha e më pas të vazhdojë tek të gjithë këta që sot e 32 vite mbajnë peng Shqipërinë, ka shtuar ai.
Ndër të tjera, Basha thekson se kjo është rruga e vetme për të çliruar pengjet, luftuar korrupsionin dhe pastruar politikën shqiptare.
“Ka vetëm një rrugë që të tregojmë kush është i korruptuar e kush jo, kush është peng e kush jo, kush është i lidhur me krimin e kush jo, le të votojmë vetingun për politikanët dhe familjarët e tyre. Të nisë transparenca nga unë e më pas të gjithë këta që sot e 32 vite mbajnë peng Shqipërinë. Kjo është rruga e vetme për të çliruar pengjet, luftuar korrupsionin dhe pastruar politikën”, shkruan Basha në rrjete sociale./Opinion.al
