Seanca parlamentare po vazhdon me debate mes mazhorancës dhe opozitës.
Ndërkohë që fliste ministrja e Shtetit për Marrëdhëniet me Parlamentin, deputetët e opozitës bënin zhurmë duke i rënë tavolinat.
Ministrja i kërkoi Gardës që të largohet, pasi siç u shpreh ajo nuk kanë frikë nga ata që kanë frikë nga vetja.
“Garda të largohet sepse ne nuk kemi frikë nga ata që kanë frikë nga vetja. Ne patëm durimin sot të dëgjonim mbi 20 deputetë për procedure por vetëm për procedurë nuk folën. Jo se nuk kemi c’themi, por ne respektojmë këtë parlament. Sa i takon llogaridhënies sa i takon përpalljes për të vërtetën nuk kemi hezituar. Vetëm kryeministri është përgjigjur me orë të tëra. Sa herë këtu votohet populli shqiptar ua kthen përgjigjen me votë. Për respekt të publikut, në konferencën e kryetarëve e diskutuam çështjen e mocionit me debat dhe interpelance me urgjencë. Urgjencën nuk e përcaktoni ju. Por është përcaktuar nga gjykata kushtetuese”, tha Spiropali.
