Kryeministri Edi Rama i ka bërë thirrje edhe një BE që të veprohet me vendosmëri dhe të këtë një dialog për shtensionimin e situatës mes Kosovës dhe Serbisë.
Në një reagim në rrjetin social “Twitter”, Rama ka theksuar se Ballkani Perëndimor nuk mund të bëhet peng i një krize të pafund mes Kosovës dhe Serbisë.
Ndër të tjera ai shkruan se nuk mund të lejojmë as që Kosova Veriore të bëhet një Donbas i vogël, dhe as që dialogu të kthehet në lojë fajësimi në Ballkanin e Vjetër, për shkak të mungesës së vullnetit të palëve të përfshira në të.
“BE-ja duhet të veprojë me vendosmëri për të siguruar një zbatim të shpejtë të Marrëveshjes Themelore. Rajoni ynë nuk mund të bëhet peng i një krize të pafund mes Kosovës dhe Serbisë. Nuk mund të lejojmë që as Kosova Veriore, ku kufiri mes krimit të organizuar dhe politikës vendore është i paqartë, të bëhet një Donbas i vogël nga mosngritjet e nxitura nga Rusia dhe as Dialogu të bëhet një lojë fajësimi të Ballkanit të Vjetër, nga mungesa e një vullneti real dhe të fortë të palëve të përfshira në të! Diskutimet janë të mira, por ajo që i nevojitet rajonit është një përparim para se të jetë tepër vonë”, shkruan Rama./Opinion.al
