Në deklaratën e parë të mbajtur si Ministër i Brendshëm ku dha porositë për drejtuesit e policisë së Shtetit, Taulant Balla tha se që nga nesër do të hapet aplikimi për 100 banesat e para për punonjësit e policisë që jetojnë jashtë zonës së vandbanimit të tyre.
Gjatë fjalës së tij Balla vuri theksin tek mbështetja financiare dhe ajo për strehimin për punonjësit e Policisë së Shtetit.
Ai theksoi se do të kujdeset posaçërisht për rritjen e standardit të jetesës për punonjësit e policisë dhe përmisimin e kushteve të shërbimit për çdo punonjës.
“Nga ana tjetër, unë do të kujdesem posaçërisht për rritjen e standartit të jetesës të punonjësve të policisë dhe përmirësimin e kushteve të shërbimit të çdo punonjësi policie, që nga kushtet financiare deri tek kushtet e strehimit kur shërbejnë jashtë vendbanimit apo krijojnë familje të reja, pa harruar që nga sot sistemimin përfundimtar të të gjitha familjeve të policëve të vrarë në krye të detyrës, fëmijët e të cilëve janë fëmijët tanë. Prandaj nga nesër do të fillojmë të trajtojmë problemin e banimit për ata që shërbejnë në qytete të ndryshme nga qyteti ku kanë familjen dhe do të hapim rrugën e aplikimeve për 100 banesat e para për vitin 2023, të cilat do t`u jepen familjeve të reja të punonjësve të policisë. Kriteret do të përcaktohen në ditët në vijim”, tha Balla./Opinion.al
