Debate të ashpra kanë shoqëruar seancën plenare të ditës së sotme. Në debat është përfshirë deputeti Gazmend Bardhi me nënkryetaren e Kuvendit, Ermonela Felaj.
Teksa Bardhi deklaroi se mazhoranca po shërben si fasadë e inceneratorëve dhe po mbron Felajn e Gjiknurin, deputetja socialiste Felaj iu drejtua duke e quajtur “Palaço”. Kjo deklaratë e saj solli dhe reagimin e Bardhit i cili e quajti deputeten socialiste gjobaxhie ndërsa po ashtu e akuzoi se ka pushtuar Prokurorinë e Tiranës.
Pjesë nga debati në Kuvend:
Gazment Bardhi: Ju nuk merrni as guximin ta pyesni kryeministrin, a vjen apo nuk vjen në seancë. Ne nuk heqim dorë nga kërkesa, nuk është përgjegjësi e Rrahman Rrajës, pa mbështetjen e Ramës, Arben Ahmetaj, Damian Gjiknuri dhe çdo ministër nuk miraton dot 17 vendime brenda ditës, po e keni lexuar dosjen e ardhur nga SPAK-u ju, ku ka procedurë aty? Arben Ahmetaj nëse do të mbrohet, të mos arratiset, të tregojë bashkëpunëtorët në aferën e tij dhe të mos shëtisë nga njëri aeroport në tjetrin. Ke marrë një raport zonjë, keni fut jashtë procedure ligjin për kanabisin, nuk është fare në kaledar, ça procedure na tregoni ne?! E keni miratuar në çdo komision! Ku vini këtu ju e bëni teatër, secili prej jush e ka lexuar dosjen, a nuk ju vjen turp?! Në komision hetimor u dolët garant atyre mafiozëve të inceneratorëve e që sot po përballen me drejtësinë. Nga Damian Gjiknuri te Ermonela Felaj i nxorrët të gjithë pa përgjegjësi, por ja që paska përgjegjësi! Vetëm në Inceneratorin e Tiranës, e keni lexuar dosjen, paradite pa dale procedura Klodian Zoto e çon 220 mln euro.
Ermonela Felaj: Palaço, palaço!!
Gazment Bardhi: Shiko, palaço mua më ka thënë kryemafiozi jot dhe kur vjen nga një hajdute si ti, nga një gjobaxhie që ke pushtuar Prokurorinë e Tiranës për t’i vënë gjoba biznesit. Yt shoq vetëm në çështjen e rimbursimit të TVSH-së ka marë rryshfet 1.5 mln euro nga 4 biznese. Je një hajdute, një gjobaxhie, ti je pjesë e dosjes, ke pushtuar Prokurorinë e Tiranës për t’u vënë gjoba bizneseve. Ti dhe një pjesë prej tyre!! Flisni ju për procedura, mbylle moj gojën! Mbylle moj hajdute gojën!/Opinion.al
