Shifrat e reja tregojnë një rritje tronditëse të vdekjeve në rrugët amerikane të lidhura me një drogë që kalb lëkurën e personave që e përdorin.
Xylazine, e quajtur shpesh si Tranq ose droga zombie, është përhapur në të gjithë Amerikën me një shpejtësi alarmante saqë Shtëpia e Bardhë është detyruar të publikojë një plan të ri veprimi me gjashtë pika për të trajtuar krizën.
Droga, një qetësues për kafshët, gjithnjë e më shumë po përzihet ose “pritet” nga tregtarët e drogës në furnizime me fentanil, i cili tashmë po vret mbi 100,000 amerikanë çdo vit.
Sipas të dhënave më të fundit nga 20 shtete amerikane dhe Distrikti i Kolumbisë, përqindja mujore e vdekjeve të lidhura me fentanil ku u zbulua ksilazina është rritur nga 2.9% në 10.9% – një rritje prej 276%. Shifrat e fundit janë të zymta, tronditëse dhe sugjerojnë se qetësuesi i kafshëve që kalb lëkurën tani është vendosur fort në tregun e drogës në Amerikë.
Në 12 muajt e fundit, 109,000 amerikanë vdiqën nga mbidoza e drogës. Pothuajse shtatë në dhjetë prej atyre vdekjeve i atribuoheshin opioideve sintetike si fentanili dhe një numër në rritje lidhej me ksilazinën.
Agjencia për Zbatimin e Drogës (DEA) ka sekuestruar përzierjet xylazine-fentanyl në 48 nga 50 shtetet amerikane. Dhe sipas laboratorëve të DEA, në vitin 2022, 23% e pluhurit të fentanilit dhe 7% e tabletave të fentanilit përmbanin ksilazinë.
Në mars, Sky Neës zbuloi shkallën e krizës së ksilazinës në qytetin verilindor të Filadelfias, ku u shfaq për herë të parë kokteji i drogës, ku shumë njerëz shiheshin rrugëve totalisht nën efektin e drogës dhe me plagë të hapura
Kur plagët e shkaktuara nga ksilazina arrijnë në një fazë të caktuar, përdoruesi duhet të dërgohet në spital.
Sipas Neera Tanden, këshilltarja e politikës së brendshme në Shtëpinë e Bardhë, plani i ri me gjashtë pika synon:
“Të zgjerojë në mënyrë agresive aksesin në parandalimin, reduktimin e dëmit, trajtimin dhe mbështetjen e rimëkëmbjes për njerëzit me çrregullime të përdorimit të substancave. Dhe të ndërmarrë veprime të guximshme për të ndërprerë furnizimin e drogave të paligjshme, veçanërisht fentanyl që po dëmton komunitetet ose në të gjithë vendin.”
Plani, i publikuar të martën, fokusohet në gjashtë shtylla veprimi: testimi, mbledhja e të dhënave, parandalimi i bazuar në prova, reduktimi/trajtimi i dëmit, reduktimi i furnizimit, planifikimi kategorizimi i barit dhe kërkimi./Opinion.al
