Rusia shpalli non grata nëntë diplomatë finlandezë dhe njoftoi mbylljen e Konsullatës së Përgjithshme të Finlandës në Shën Petersburg nga 1 tetori.
Ministria tha në një deklaratë të gjatë se ajo thirri ambasadorin e Finlandës në Rusi, Antti Helanterä, të enjten dhe përcolli “notën e saj të protestës së fortë në lidhje me politikën konfrontuese anti-ruse të ndjekur nga autoritetet finlandeze”.
Deklarata gjithashtu vuri në dukje se “parametrat e anëtarësimit të Finlandës në NATO krijojnë një kërcënim” për sigurinë e Rusisë dhe “inkurajimi i regjimit të Kievit për të shkuar në luftë dhe armatosja e tij me armë perëndimore tregon qartë veprime armiqësore kundër vendit tonë”.
Deklarata përfundoi duke thënë se “kjo linjë e autoriteteve finlandeze nuk mund të mbetet pa përgjigje”.
Ata bënë të ditur se nëntë diplomatët finlandezë do të dëboheshin nga Rusia dhe leja e funksionimit të konsullatës finlandeze në Shën Petersburg, qyteti i dytë më i madh i vendit, do të revokohet duke filluar nga 1 tetori.
Finlanda, e cila ndan një kufi të gjatë me Rusinë, u bashkua me NATO-n në prill si anëtari i 31-të i aleancës ushtarake.
Kujtojmë se në qershor, Finlanda dëboi gjithashtu nëntë diplomatë rusë./Opinion.al
