Një turist ka shkaktuar zemërimin e dhjetëra italianëve, pasi shkroi në murin e Koloseut të lashtë të Romës.
Një kalimtar i rastësishëm filmoi turistin teksa gdhendte emrat në muret prej guri të ndërtesës 1937-vjeçare duke përdorur çelësa.
Burri mund të shihet duke gërvishtur ‘Ivan + Hayley 23’ në një nga tullat, me gjasë duke u përpjekur të pasqyrojë datën e vizitës së tyre. Videoja u shpërnda në rrjete sociale me mbishkrimin: ‘A*******e turisti gdhend emrin në Koloseun në Romë’.
Në video personi që e filmonte i tha turistit: A e ke seriozisht? Kjo është çmenduri.
Të tjerë komentuan duke i kërkuar personit që e publikoi videon që ta dërgonte në polici dhe ai të arrestohej.
Por të shumta kanë qenë reagimet e qytetarëve italianë, të cilët kanë komentuar duke ndarë zemërimin e tyre. Ata gjithashtu kanë kërkuar që video të dërgohej në polici, në mënyrë që i riu të arrestohej.
Nëse kapet, ai mund të përballet me një gjobë masive, e cila në të kaluarën ka qenë deri në 17,000 £. Po ashtu rrezikon të përballet edhe me një vit burg.
Në një deklaratë, ministri i Kulturës i Italisë, Gennaro Sangiuliano tha:
“Unë e konsideroj shumë serioze dhe të padenjë që një turist të prishë një nga vendet më të famshme në botë, një trashëgimi historike si Koloseu, për të gdhendur emrin e të fejuarës së tij.
Shpresoj që kushdo që ka bërë këtë gjest do të identifikohet dhe sanksionohet sipas ligjeve tona”.
Kjo nuk është hera e parë që turistët gjobiten për dhunimin e koloseut më të madh në botë.
Koloseu, i konsideruar si një nga shtatë mrekullitë e botës moderne, është një sit i Trashëgimisë Botërore së bashku me 54 vende të tjera italiane. Ndërtimi i Koloseut filloi diku midis viteve 70 dhe 72 të erës sonë dhe kishte rreth 50,000 spektatorë.
Video/Opinion.al
