Ish-kreu i PD, Lulzim Basha ka folur në një prononcim për mediat jashtë dyerve të parlamentit lidhur me mbledhjen e kryesisë së PD-së ku u vendos mbajtja e zgjedhjeve për kryetar në 29 korrik.
I pyetur nëse do të garojë për kryetar i Partisë Demokratike në zgjedhjet e 29 korrikut, Basha tha se çdo vendim që do të marrë, do të jetë në interes të demokratëve.
Ai bëri me dije se vendimin do ta bëj të ditur në momentin e duhur.
“Përgjigja ime është kjo. Unë e kam treguar me vepra që marr vendime në interes të demokratëve me aktin e 21 marsit, ndaj dua t’i them çdo demokrati që dhe në vendimet që do marr do udhëhiqem nga interesi i demokratëve. Vendimin do ta bëj të ditur në momentin e duhur”, tha Basha./Opinion.al
