Enkelejd Alibeaj në një prononcim për mediat jashtë dyerve të parlamentit është pyetur nga gazetarët mbi tensionet dhe përplasjet në mbledhjen e kryesisë së PD, të mbajtur mbrëmjen e së martës. Alibeaj është shprehur se asnjë nga anëtarët e kryesisë nuk ka qenë në presion. Ai ka theksuar se fjalë ka patur gjatë mbledhjes por dhunë jo.
Në mbledhjen e Kryesisë së Partisë Demokratike të mbajtur të martën, u vendos hapja e procesit zgjedhor dhe mbajtja e zgjedhjeve për Kryetarin e PD me datë 29 korrik 2023.
“Nëse i dhunuan ua kërkoj unë ndjesën personalisht. Modeli ndryshe është të respektojmë lirinë e shprehjes të çdo njeriu.. Qëndrimin i Bardhit emocional? Deri diku po.
Në mbledhje për aq sa zgjati asnjë prej kryesisë nuk ka qenë në presion. Unë isha në mbledhje. Asnjëri prej tyre s’ka qenë as në presion, ka pasur qëndrime të ndryshme. Krerët e degëve janë PD, ato njerëz që më 8 janar ishin në mbrojte të deputetëve. S’ka pasur dhunë, fjalë ka pasur jam dakord. Nëse secili prej jush është ndjerë i fyer apo në një situatë jo normale, ua kërkoj unë ndjesën. Një gjë, me shumë qetësi ua them secilit prej jush, keni të drejtën tuaj të thoni gjithçka dini.
Sipas rregullit të statutit, mbledhjet nuk duhet të dalin në publik. Kjo është ruajtje e privatësisë së mbledhjes. Për sa kohë pranojmë që zhvillimet në PD janë çështje publike. Duhet një orë e më parë që PD të marrë formën e plotë të funksionimit. Zgjatja e drejtimit të saj me kryetar të komanduar nuk ishte zgjidhja më e mirë. Ka qenë vendim i kryesisë dhe grupit ramë dakord që do vazhdonim me kryetar të komanduar deri pas zgjedhjeve. Ishte e nevojshme që menjëherë të futeshim në proces të riformësimit të PD. Nuk e kuptoj tashmë që edhe pas një zgjatje prej 1 viti të marrim kohë. Rregulli është që të vëmë rregulla në statut që e bëjnë pothuajse jo të domosdoshëm jo dertiminant se cili është kryetari i partisë.
Diskutim që e refuzoj. Unë mbështes një parti me rregulla statutore demokratike, pushtet të ndara që kontrollojnë kryetarin, me pushtet që delegohen, me pushtet të decentralizuar. Kërkohet një rindërtim i PD-së, nuk do duhet shfokusuar nga fakti se kush do jetë kryetar. Ka të drejtën të kandidojë kushdo”, tha Alibeaj.
