Ish-presidenti i Kosovës Hashim Thaçi, gjendet në Kosovë.
Mësohet se arsyeja e ardhjes së tij është për të vizituar nënën e tij, e cila ditë më parë kishte edhe probleme shëndetësore.
Thaçi nën masa të ashpra të sigurisë ka shkuar në shtëpinë e tij në Burojë të Skenderajt, pasi nënës së tij i është përkeqësuar gjendja shëndetësore.
Me lejen e Gjykatës Speciale, ish-presidenti i Kosovës, Hashim Thaçi, ndodhet në Kosovë për të vizituar familjen e tij, këtë lajm e kanë konfirmuar edhe nga Dhomat e Specializuara të Kosovës. Vizita e tij po monitorohet nga EULEX-i dhe Policia e Kosovës.
Bëhet e ditur se Thaçit i është lejuar t’i takojë vetëm prindërit e tij dhe askënd tjetër prej anëtarëve të tjerë të familjes.
Hashim Thaçi pritet që gjatë ditës të kthehet në Hagë.
