Një shqiptar dhe e dashura e tij greke u arrestuan në Selanik të Greqisë, pasi u kapën me 12 kilogramë heroinë.
Sipas mediave greke, të arrestuarit janë një shqiptar 33-vjeç, dhe një vajzë greke 27-vjeçe.
Autoritetet në Selanik mësohet se kishin informacion për transportimin e drogës me makinën që drejtohej nga shqiptari, ndaj dhe i ndaluan ata për kontroll.
Droga ishte fshehur në gomën rezervë të makinës, e ndarë në 25 pako.
Heroina dyshohet se do të shitej në Athinë e Selanik.
