Një zjarr që përfshiu një konvikt shkolle në Guajana ka shkakuar 19 viktima.
Sipas mediave të huaja, zjarri dyshohet se është shkaktuar nga një nxënëse, e cila ishte zemëruar se ia kishin konfiskuar celularin e saj.
19 persona, kryesisht studente, u vranë nga zjarri në Guajana në orët e para të së hënës.
Konvikti thuhet se ishte i mbyllur gjatë rënies së zjarrit duke bërë të mundur bllokimin e studentëve.
Adoleshentja e dyshuar për zjarrvënien, aktualisht ndodhet në spital duke marrë trajtimin mjekësor për djegie dhe thuhet se ka pranuar zjarrvënien.
Zjarri u ndez në zonën e tualetit dhe përfundimisht përfshiu të gjithë ndërtesën, e cila ishte pjesërisht prej druri dhe strehonte 57 nxënës.
Të mbijetuarit e incidentit në qytetin qendror Mahdia folën se u zgjuan në mes të natës nga britmat.
Sipas një raporti të Associated Press, vajza akuzohet se ka kërcënuar me sulmin e saj pasi u disiplinua për një marrëdhënie me një burrë të moshuar.
Administratorja e konviktit, e cila humbi djalin e saj pesëvjeçar nga zjarri, nuk ishte në gjendje të gjente çelësat për të zhbllokuar derën pasi e kishte kapur gjendja e panikut.
Thuhet se zjarrfikësit kanë përdorur thyerjen e mureve për të ndihmuar njerëzit të shpëtojnë. Mediat lokale raportuan se zjarri ishte aq i rëndë saqë u desh testimi i ADN-së për të identifikuar disa viktima.
Shumica e të plagosurve janë dërguar në spital, disa prej tyre në kryeqytetin Georgetoën, dhe një numër prej tyre mbeten në gjendje të rëndë./Opinion.al
