Këto janë fotot e Habib Rexhës, vrasësit të dyshuar të Arian Gosës një ditë më parë në Kavajë.
Sikurse duket në pamje ai shfaqet teksa vrapon i pamaskuar i veshur me një xhup të zi, kapuçin e të cilit e ka vendosur ne kokë.
Sipas informacioneve, autori i krimit u identifikua nga policia nga një kamera sigurie që ndodhej në një biznes rreth 100 metra larg lokalit ku ndodhi ngjarja.
Mësohet se ai qëlloi me dorën e majtë për shkak të problemeve shëndetësore që kishte me dorën e djathtë.
Ngjarja e rëndë ndodhi në një lokal në lagjen Nr.1 të Kavajës pasditen e së dielës, teksa Arian Gosa ishte duke konsumuar një kafe me babain e tij.
Habib Rexha u identifikua nga policia disa orë pas krimit dhe u shpall zyrtarisht në kërkim. Për kapjen e tij, policia ka vendosur në dispozicion 10 mijë Euro për qytetarët që japin informacione për vendodhjen e Rexhës.
