Në një bashkëbisedim me qytetarët në “Facebook”, ish-kryeministri Sali Berisha shprehet se me Kryeministrin Edi Rama do të bashkëpunojë vetëm për të ndryshuar Kodin Elektoral.
Por, Berisha u shpreh se kryeministri nuk e pranon këtë gjë.
Sali Berisha: Asnjë formë bashkëpunimi me Edi Ramën nuk do pranoja përveç ndryshimit të ligjit elektoral. Gjë që ai s’e pranon.
Ndërsa sa i përket bashkëpunimit me Lulzim Bashën, Sali Berisha u shpreh se ai është vetëlarguar nga partia. Sipas Berishës edhe pse statuti parashikon që nuk ka përjshtime, ai që nxjerr kandidatë në zgjedhje kundër partisë së tij konsiderohet i vetëlarguar.
Sali Berisha: Përsa i përket Lul Bashës, ai është deputet nuk ka dorëzuar mandatin. Ka kryer aktin e rëndë të vetëlargimit nga PD se Statuti nuk ka përjashtim, por ai që në fushatë elektorale nxjerr kandidatë kundër partisë së tij, ai konsiderohet i vetëlarguar në të gjitha kodet e botës.
