Niveli i inflacioni në Shqipëri ka ardhur në rënie për të gjashtin muaj radhazi. Rritja e çmimeve u ngadalësua edhe gjatë muajit Prill.
Sipas Institutit të Statistikave, ndryshimi vjetor i indeksit të çmimeve të konsumit në muajin e katërt të vitit është 4.6%.
Pavarësisht këtij frenimi, rritja vjetore e çmimeve në muajin prill është ndikuar kryesisht nga çmimet e larta të ushqimeve.
Krahasuar me muajin Prill 2022, rritja më e madhe e çmimeve vërehet tek ushqimet dhe pije joalkolike me 9.6 %, pasuar nga grupet “Mobilje, pajisje shtëpie dhe mirëmbajtje e shtëpisë” me 6,7 %, “Hotele, kafene dhe restorante” me 4,5 %,“Veshje dhe këpucë” me 3,9 %.
Nga ana tjetër çmimet në “Transport” shënuan ulje me 10,7 %, ndikuar kjo edhe nga rënia e vazhdueshme e çmimit të karburanteve.
Ndërkohë, krahasuar me muajin Mars të këtij viti, në Prill çmimet e ushqimeve janë ulur me vetëm 0.2%./ Tv Klan
