Elbasan/ 34-vjeçari dhunon dhe kërcënon me jetë prindërit

Një 34-vjeçar është shpallur në kërkim pasi akuzohet se ka dhunuar prindërit e tij dhe i ka kërcënuar ata me jetë.
Oficerët e Policisë, pas njoftimit se një shtetas kishte dhunuar dhe kanosur për jetën familjarët e tij, kanë organizuar menjëherë punën dhe kanë shkuar në banesën e kësaj familjeje, në fshatin Shushicë të Elbasanit.
Bëhet me dije se shtetasi D. G. që kishte dhunuar dhe kanosur për jetën, prindërit e tij, sapo ka konstatuar mbërritjen e shërbimeve të Policisë, ka dalë nga banesa dhe ka mundur të largohet në një terren të vështirë malor, në fshat.
Shërbimet e Policisë po vijojnë kontrollet për kapjen e tij.
Ndërkaq, gjatë kontrollit në banesë, policia ka gjetur dhe sekuestruar: 1 armë zjarri, 2 pako me lëndë të dyshuar plasëse dinamit, 1 kapsolle detonatore dhe municion luftarak.
Vijon puna për kapjen e 34 vjeçarit.