Në kuadër të 1 Majit, ditës së punëtorëve, është parashikuar që në Tiranë të zhvillohen disa aktivitete sensibilizuese nga organizata të ndryshme të shoqërisë civile.
Esmeralda Hoxha tha për Klan Neës se tek pedonalja në kryeqytet anëtarët e shoqërisë civile do të mbajnë një tubim.
“I kemi bërë thirrje punonjësve, qytetarëve, familjarëve që të bashkohemi të gjithë së bashku dhe të ngremë zërin për ata që nuk kanë zë, për ata punëtorë që sot janë në punë dhe që nuk e kanë pushim paçka se kalendari e ka me të kuqe që është pushim. U kemi bërë thirrje që të jenë të gjithë sot këtu, është një tubim paqësor me mesazhe nga vetë punonjësit”, tha ajo.
Për shqiptarët, 1 Maji është festë apo protestë?
“Në 1 Maj gjithmonë shqiptarët kanë festuar në një farë feje edhe pse jo, pse të mos festojnë. Të ngremë zërin që jemi këtu, por le ta bëjmë sëbashku. Të ngrejmë zërin. Të protestojmë duke festuar. Kështu që i themi të gjithëve, dakord, 1 Majin e kemi ditën e pushimit, e kalojmë e familjarët, kolegët, por hajde ta ngrejmë pak zërin për ata që më 1 Maj janë në punë”, tha Hoxha.
