Serbia dje ka votuar kundër pranimit të aplikimit për anëtarësim të Kosovës në Këshillin e Evropës.
Ky votim tregon se Serbia ka shkelur nenin 4 të Marrëveshjes së Brukselit të arritur në kuadër të procesit të dialogut.
Neni 4 thotë: “Serbia nuk do të kundërshtojë anëtarësimin e Kosovës në asnjë organizatë ndërkombëtare”.
Në një konferencë për media, gazetarët sot kanë pyetur zëdhënësin e Bashkimit Evropian, Peter Stanon, se a e ka shkelur Serbia këtë nen dhe marrëveshjen.
Ai nuk dha detaje se a e konsideron BE shkelje veprimin e Serbisë, por vetëm bëri të ditur se janë në dijeni të votimit kundër.
