Kandidati i Partisë Demokratike për Bashkinë e Tiranës, Roland Bejko, akuzon Sali Berishën për shkatërrimin e PD-së.
Bejko tha në emisionin “Opinion” se aktualisht Partia Demokratike është “lesh e li”. Ai akuzon Berishën si personin që ka dhunuar PD-në për interesa personale.
“PD është bërë lesh e li nga reagimet e dhunshme që ka bërë Sali Berisha për 1 vit e gjysmë. Ne jemi duke e shpëtuar Partinë Demokratike të cilës iu pi gjaku, u dhunua, e ul në gjunjë. Sali Berisha ia piu gjakun Partisë Demokratike. Në vend ta bënte më të madhe, e përçau për interesin personal”, tha ndër të tjera Roland Bejko.
