Kryeministri i Kosovës Albin Kurti, përmes një video-mesazhi ka uruar në gjuhën serbe besimtarët ortodoksë, për festën e Pashkëve.
Duke iu uruar Pashkët të gjithë qytetarëve, Kurti thotë se do të vazhdojnë të kujdesen për besimtarët ortodoksë, duke i garantuar lirinë themelore të besimit dhe siguri.
“Të gjithë qytetarëve të Kosovës, të fesë ortodokse ju uroj Pashkët. Ne do të vazhdojnë kujdesin për ju, besimtarë ortodoksë, edhe duke garantuar më tej lirinë themelore të besimit, si dhe sigurinë e përgjithshme”, tha Kurti në video-nesazh.
“Ju uroj që festat t’i kaloni në gëzim dhe paqe së bashku me familjen dhe fqinjët tuaj. Fryma e Pashkëve ju dhuroftë paqe, drejtësi dhe begati të gjithë juve, qytetarëve tanë”, shtoi kryeministri./Opinion.al
