Kandidati i Koalicionit “Bashkë Fitojmë” për Tiranën, Belind Këlliçi, ka hyrë me autobus në stadiumin “Air Albania”.
Duket se kjo është një formë për të shpalosur programin e tij, transport publik falas.
Koalicioni “Bashkë Fitojmë” çeli sot zyrtarisht fushatën elektorale për zgjedhjet e 14 Majit. Në stadiumin “Air Albania” u prezantuan një nga një të gjithë kandidatët në të 61 bashkitë.
I fundit u prezantua Belind Këlliçi, i cili u fut në stadium me autobus.
“Autobusë falas”, shkruhej në mjetin me të cilin Këlliçi hyri brenda në stadium.
