Një vajzë 31-vjeçare është vënë në pranga në qytetin e Durrësit. Policia thotë se ushtroi kontroll në shtëpinë e të resë pasi dyshohej se kishte vjedhur një shumë parash tek banesa e shoqes, por rezultoi se e reja posedonte një pistoletë tip “Glock” dhe një sasi fishekësh.
31-vjeçarja u arrestua ndërsa përfundoi në pranga edhe shoku i saj për arsye se nuk ka kallëzuar krimin e armëmbajtjes pa leje.
Grupi hetimor, në drejtimin e Prokurorisë, vijon punën për zbardhjen e rrethanave të këtij rasti, si dhe të autorësisë së vjedhjes së shumës së parave në banesën e shoqes së 31-vjeçares.
Materialet i kaluan Prokurorisë, për veprime të mëtejshme.
