Policia Kufitare e Rinasit ka proceduar penalisht dy shtetas të huaj, një angelz dhe një italiane.
Bëhet me dije se në hyrje të Republikës së Shqipërisë, gjatë kontrollit fizik, shtetasit anglez me inicialet W. A., iu gjetën të fshehura në trup, 20 000 paund. Në përfundim të veprimeve procedurale, u referuan materialet në Prokurori ku nisi procedimi në gjendje të lirë për 39 vjeçarin, banues në Londër, si dhe iu sekuestrua shuma e parave.
Po në hyrje të Republikës së Shqipërisë, gjatë kontrollit fizik, shtetases italiane E. M., iu gjetën të fshehura në trup dhe në çantën e dorës, 20 000 paund. Për këtë rast, u referuan materialet në Prokurori ku nisi procedimi në gjendje të lirë për 32 vjeçaren, banuese në Londër, si dhe iu sekuestrua shuma e parave./Opinion.al
