Departamenti i Policisë së Metrosë në Louisville ka publikuar një video dramatike e cila vjen nga kamerat e vendosura ne trupin e oficerëve, të cilët vrapojnë pas agresorit, i cili hap zjarr ndaj punonjësve të bankës ku punonte edhe vetë në Kentaki.
Pesë persona u vranë ndërsa një oficer qëlloi për vdekje agresorin gjatë përpjekjes për ta neutralizuar.
Videoja e kamerës së trupit tregon momentet e tensionuara mes policëve dhe sulmuesit, Connor Sturgeon.
Duke mbërritur vetëm tre minuta pasi autori kishte nisur të qëllonte kolegët e tij policia ngjitet drejt ambjenteve të bankës dhe nisin të qëllojnë agresorin i cili i kundërpërgjigjet nga ana tjetër. “Kthehu, mbrapa, kthehu,” bërtet një oficer ndërsa të shtënat e armëve dëgjohen në sfond.
Në përleshje e sipër njëri prej oficerëve u plagos rëndë në kokë dhe është ende në gjendje kritike. Pas disa minutash ata neutralizuan sulmuesin brenda hollit.
Autori kishte kishte qenë praktikant në bankë dhe ishte punësuar atje me kohë të plotë për rreth dy vjet. Ai kreu sulmin pasi ishte njoftuar se do të pushohej nga puna.
