Ambasadorja e SHBA, Yuri Kim ka zhvilluar këtë të martë një takim me Inspektorin e Lartë të Drejtësisë, Artur Metani. Lajmi është bërë i ditur nga ambasada e SHBA në një postim në faqen zyrtare në “Facebook”.
Ambasada shkruan se roli i ILD-së në mbikëqyrjen e disiplinës së gjyqtarëve dhe prokurorëve është thelbësisht kritik për sistemin e drejtësisë në Shqipëri.
Ndër të tjera ambasada thotë se SHBA do të vazhdojë të ndihmojë në forcimin e institucioneve të drejtësisë në Shqipëri, siç është ILD, ndërsa ato forcohen për të çuar përpara integrimin e Shqipërisë në BE.
“Ambasadorja e SHBA Yuri Kim u takua sot me Inspektorin e Lartë të Drejtësisë, Artur Metani, i cili drejton një nga institucionet kyçe të reformës në drejtësi. Roli i ILD-së në mbikëqyrjen e disiplinës së gjyqtarëve, prokurorëve dhe anëtarëve të këshillave është thelbësisht kritik për sistemin e drejtësisë në Shqipëri. SHBA do të vazhdojë të ndihmojë në forcimin e institucioneve të drejtësisë në Shqipëri, siç është ILD, ndërsa ato forcohen për të çuar më tej përpara integrimin e Shqipërisë në BE”-shkruan Ambasada e SHBA në rrjetet sociale./Opinion.al
