Detaje të reja kanë dalë lidhur me sherrin e ndodhur 5 ditë më parë në zonën e ish-Bllokut, në Tiranë, ku si pasojë mbeti i vdekur 46 vjeçari Gentian Talja.
Sipas raportimeve, ky i fundit ndodhej në spital që prej orëve të para të shtunës, pas një sherri që kishte pasur në gjendje të dehur me 25-vjeçarin Henri Gjapi.
Palët nuk njiheshin dhe nuk kishin konflikte të mëparshme. Rastësisht ata u ndodhën përballë njëri-tjetrit në një kryqëzim.
Sipas Klan News ishin të dy në gjendje të dehur dhe pas fjalëve, debati çoi në konflikt fizik. Në sherr e sipër, 46-vjeçari ra në trotuar dhe përplasi kokën. Një person i tretë, Artur Gjolena, tentoi të ndërhynte për të shuar sherrin, por rezultoi të ishte tepër vonë.
