Komisioni i Ankimimeve dhe Sanksioneve ka marrë në shqyrtim ditën e sotme ankimimin e grupit të Sali Berishës, i cili ka kërkuar që KQZ të çregjistrojë subjektin “Partia Demokratike”, e cila është e regjistruar me nënkryetar Enkelejd Alibeaj , i komanduar kryetar për zgjedhjet e 14 Majit.
Përfaqësuesi ligjori i Rithemelimit, Ledio Nuraj tha se është shkelur besueshmëria e procesit zgjedhor dhe se vendimi I marrë nga KQZ është një vendim koti.
“Është shkelur besueshmëria e procesit zgjedhor nga të gjitha palët. Kërkojmë kundërshtimin e vendimit të KQZ, ku ka bërë regjistrimin e PD në zbatimit të vendimit tuaj, po të paligjshëm dhe tejkalimit të çdo kompetence, ndryshimin, duke vendosur pezullimin e vendimit. Pavarësisht se vjen për të qeshur, se e dini dhe vetë që keni marrë një vendim koti. Argumenti se vendimi ishte menjëherë i zbatueshëm, për ne nuk qëndron”, tha ai./Opinion.al
