Policia e Shtetit ka zhvilluar një sërë veprimesh intensive gjatë muajit maj 2025, në koordinim me partnerët ndërkombëtarë dhe agjencitë ligjzbatuese vendase, me qëllim garantimin e rendit dhe sigurisë publike, si dhe goditjen e fenomeneve kriminale me impakt të lartë.
Gjatë muajit maj janë finalizuar:
99 operacione policore në shkallë vendi;
34 operacione ndërkombëtare në bashkëpunim me agjenci të huaja;
625 shtetas janë arrestuar për vepra të ndryshme penale;
50 armë zjarri, 84 kg cannabis, doza kokaine, 2,861 fara cannabisi dhe sasi të konsiderueshme municioni janë sekuestruar;
Rreth 415,000 euro dhe pasuri me burim të dyshimtë janë konfiskuar, përfshirë mallra të kontrabanduara, antiplumba, silenciatorë, dokumente e para false;
8269 bimë dhe fidanë cannabis janë asgjësuar në kuadër të megaoperacionit “Koordinata”
Janë arrestuar 13 persona në kryeqytet dhe Shkodër për trafik armësh në favor të grupeve kriminale. Në Durrës, janë arrestuar 7 shtetas, 3 prej të cilëve me rrezikshmëri të lartë, me armë të gatshme për përdorim; Janë parandaluar 8 konflikte të rrezikshme, disa me armë dhe në mjedisin familjar dhe po ashtu dhjetë ngjarje kriminale.
Kontrolle, hetime dhe ndërhyrje në terren
Zbulimi i një banese të përshtatur për kultivim me llamba në Fier dhe një “call center” mashtrimi në Tiranë;
22 operacione për zbardhje vjedhjesh;
13 tentativa kontrabande të goditura në kufi;
4 ndërhyrje të suksesshme për ndihmë ndaj qytetarëve në vështirësi nga Policia e Vlorës;
181 raste dhune në familje dhe 217 krime mjedisore të trajtuara në bashkëpunim me institucionet përkatëse.
Siguria rrugore dhe masat ndëshkuese
Policia Rrugore ka vijuar monitorimin intensiv përmes pajisjeve inteligjente:
155 drejtues mjetesh janë arrestuar (107 për drejtim në gjendje të dehur dhe 48 pa leje drejtimi);
191 leje drejtimi janë pezulluar për shkelje të rënda;
12,440 masa administrative për tejkalim të shpejtësisë, me sanksione deri në heqje pikësh nga leja e drejtimit.
Krime në kufi dhe parandalimi i kalimeve të paligjshme
Policia Kufitare ka evidentuar:
50 raste të kalimeve të paligjshme të kufirit;
22 raste me dokumente të falsifikuara;
6 raste të trafikimit të mjeteve motorike.
