Agjencia Kombëtare e Krimit në Mbretërinë e Bashkuar deklaroi se trafikimi i qënieve njerëzore po njeh rritje. Vetëm vitin e shkuar 947 shqiptare janë trafikuar në këtë shtet për shfrytëzim seksual apo punë të detyruar ndërsa janë identifikuar 6993 viktima të kombësive të ndryshme.
Rreth 36% më shumë se në vitin 2017. Shqiptarët përbëjnë një prej grupeve më të mëdha pasi 13% e viktimave të identifikuara janë të kësaj kombësie. Ato shfrytëzohen për punë të detyruar, prostitucion ose aktivitet kriminal.
Studimi, sipas kërkueses kryesore të tij, Patricia Hynes lindi nga deklaratat e disa femrave shqiptare, të cilat kanë përshkruar se si kanë përfunduar në situatat e shfrytëzimit.
Në raport theksohet se vendet e origjinës së këtyre viktimave duhet të rrisin mekanizmat mbrojtës, duke mbështetur gratë dhe familjet e tyre, teksa përballen me diskriminimet e shoqërisë. Ndërkohë që më herët ka qenë Departamenti Amerikan i të Shtetit i cili qershorin e vitit 2108 në raportin për trafikimin e personave shprehet se qeveria shqiptare nuk përmbush plotësisht standardet minimale për eliminimin e trafikimit.
Trafiku i qënieve njerëzore sipas drejtuesit të projektit në Organizatën Ndërkombëtare për Migracionin, Patrick Burland ka ardhur si pasojë e shërbimeve të kufizuara financiare, arsimore, punësimit, kujdesit shëndetësor si dhe mungesës së mundësive reale për të përmirësuar standardet e jetesës në vendet e tyre./Opinion.al
