Ministri i Brendshëm ende në detyrë, Saimir Tahiri në 9-vjetorin e tragjedisë së Gërdecit deklaroi se ata që sot bëjnë moral dhe politikë duhet të ishin pas hekurave.
“Ende nuk ka drejtësi. Sot është një ditë shumë e dhimbshme. Sot bëjnë moral dhe politikë ata që duhet të ishin pas hekurave. Kërkoj ndjesë personale për gjithçka nuk bëmë dot ndaj atyre që shkaktuan këtë tragjedi. Sot është një ndër ditët më alarmante që na kujton në padrejtsinë e madhe në gjykata. 9 vite me parë humbën jetën 26 qytetarë mes tyre fëmijë. Armët i përdornin për biznes” deklaroi ai.
Ndërsa më pas, Tahiri u shpreh se do të propozoj që amnistia për dorëzimin e armëve të vazhdojë deri në fund të këtij viti, më pas ligji duhet të jetë shumë i ashpër për personat që mbajnë armë pa leje.
