Zv/ministrja Mira Rakacolli në njoftim për mediat tha se në 24 orët e fundit janë testuar 31 raste, nga të cilat 9 raste kanë rezultuar pozitive.
“Deri në këto momente janë testuar 563 raste të dyshuara dhe prej tyre janë të konfirmuar pozitivë me COVID-19, 51 raste”, shtoi ajo.
Nga rastet e konfirmuara, Tirana ka 34 raste, Durrësi 5 raste (njëri prej të cilëve ka ndërruar jetë), Lushnja 2 raste, Elbasani 2 raste, Fieri 6 raste dhe Rrogozhina 2 raste.
Prej tyre 20 janë të shtruar në spitalin Infektiv (nga Tirana, Durrësi, Fieri, Lushja dhe Rrogozhina). Për momentin janë në terapi intensive tre qytetarë, njëri prej të cilëve në respiracion të drejtuar. Ndërsa pjesa tjetër e të shtruarve në pavion janë në gjendje të stabilizuar deri në këto momente. /Opinion.al
