Presidenti Vladimir Putin i merr seriozisht përvjetorët rusë. CNN shkruan se nuk ishte rastësi që pushtimi i tij në Ukrainë erdhi një ditë pas Ditës së Mbrojtësit të Atdheut, një festë e arritjeve ushtarake të Rusisë. Ishte në të njëjtin rast në vitin 2014 kur Putini hodhi hapin e parë në aneksimin e Krimesë nga Ukraina, përmes protestave të orkestruara pro-ruse në gadishull.
Udhëheqësi kishte shpresuar qartë se do të kishte më shumë për të festuar në këtë “Ditë Fitoreje” të hënën, datat më patriotike të vendit, që shënon rolin e Bashkimit Sovjetik në mposhtjen e Gjermanisë naziste në Luftën e Dytë Botërore.
Putin dhe qeveria e tij kanë thënë vazhdimisht se qëllimi i të ashtuquajturit “operacion special” i tyre është “denazifikimi” i Ukrainës dhe se çlirimi i vendit nga nazistët është një çështje e mbijetesës së Rusisë.
Është një argument që nuk ka peshë reale; një mbulesë flagrante për revanshizmin rus.
Edhe pse makina e propagandës së Kremlinit, ka funksionuar që nga pushtimi në shkurt, do të jetë e vështirë për Putinin që të hënën t’i kthejë humbjet e Rusisë në fitore të vërteta.
Sido që të jetë, operacioni në Ukrainë ka qenë një dështim për të, të paktën në skenën ndërkombëtare.
