Numri i vdekjeve nga koroanvirusi në Francë mesa duket është shumë më i lartë nga sa është raportuar deri tani nga spitalet.
Burimet vendase kishin paralajmëruar se kjo do të ndodhte kur të niste numërimi i personave që kanë ndërruar jetë jo vetëm në spitale si pasojë e COVID-19.
Një raport i paraprak tregoi se koronavirusi i kishte marrë jetën 884 njerëzve të tjerë në shtëpi për kujdesin e të moshuarve.
Kjo ka bërë që nga e mërkura në të enjte numri total i viktimave të rritet me 1,355 duke shkuar në 5,387. Megjithatë ajo që është shqetësuese është se të dhënat nuk janë mbledhur ende nga të gjitha 4700 shtëpitë e kujdesit të të moshuarve në vend të cilat strehojnë më shumë se 1 milion njerëz.
Më shumë se dy të tretat e të gjitha vdekjeve të regjistruara në qendrat e kujdesit janë regjistruar në rajonin Grand Est të Francës, në kufi me Gjermaninë. Ai ishte rajoni i parë në Francë që u kaplua nga një valë infeksionesh që ka lëvizur me shpejtësi në perëndim për të përfshirë Parisin, ku spitalet po përpiqen të shtojnë shtretër të kujdesit intensiv për të përballuar fluksin e pacientëve në gjendje kritike. /Opinion.al
