Presidenti i Shqipërisë, Bajram Begaj ka kujtuar ditën e lindjes së presidentit të parë të Republikës së Kosovës, Ibrahim Rugovës i cili sot do të festonte 80-vjetorin e lindjes.
Përmes një postimi në rrjete sociale, Begaj shkruan se të gjithë shqiptarët do ta kujtojnë me nderim Rugovën.
Ai tha se koha dëshmoi vlerat e tij si burrë shteti, për të cilat sipas tij kemi nevojë sot e përgjithmonë.
“Si sot 80 vite më parë Kosova lindi Presidentin e rrallë e vizionar që pa gjithmonë nga Perëndimi për ardhmërinë.
Koha dëshmoi vlerat e tij si burrë shteti për të cilat kemi nevojë sot e përgjithmonë.
Të gjithë shqiptarët do ta kujtojnë gjithmonë me nderim ditëlindjen e Presidentit të Përjetshëm Dr. Ibrahim Rugova!”, shkruan Begaj./Opinion.al
