Kreu i grupit parlamentar të Partisë Demokratike ka hedhur akuza ditën e sotme ndaj zv/kryeministres Belinda Balluku.
Përmes një postimi në rrjete sociale, Bardhi thotë se po abuzohet me paratë e qytetarëve në fushën e energjisë elektrike.
Sipas Bardhit, për një prej rasteve në fjalë, ka të bëjë me Digën e Zadejës, ku diferenca është 4,5 milionë euro.
Ai thotë se me firmën e Ballukut, po u vidhen para qytetarëve shqiptarë.
“Shqipëria ka çmimin më të lartë të energjisë elektrike në Rajon, sepse paratë e qytetarëve abuzohen/vidhen në mënyrën më skandaloze të mundshme. Vetëm me firmën e Belinda Ballukut mund të ndodhë që një projekt, i cili, kur ndërtohet nga shteti, nga KESH-i, kushton 8 milionë euro dhe kur ndërtohet nga private kushton 3 milionë euro! Çfarë duhet të ndodh më shumë që të mbahet përgjegjësi përpara ligjit për një abuzim?!“, shkruan Bardhi.
