Pikërisht në ditën ndërkombëtare të gruas, një 64-vjeçare nga Ura-Vajgurore i ka dhënë fund jetës.
Hava Shehu, nënë e 5 fëmijëve u gjet e varur nga familjarët e saj në kasollen e bagëtive, pranë banesës. Mësohet se kanë qenë dy djemtë e të ndjerës ata që e kanë gjetur nënën e tyre të varur. 64-vjeçarja është transportuar pa jetë nga familjarët në Spitalin e Beratit, ndërkohë që burimet zyrtare të Drejtorisë së Policisë së Qarkut Berat, deklarojnë se nuk ka pasur shenja dhune.
Sipas burimeve pranë familjes Shehu, Hava Shehu jetonte në kushte të vështira ekonomike dhe kishte të burgosur një djalë i cili akuzohet për “vjedhje”. Sipas të afërmve dhe banorëve të fshatit Drenovicë këto kanë qenë edhe shkaqet që e kanë detyruar nënën e 5-fëmijëve të ndërmarrë këtë akt ekstrem./Opinion.al
