Ka shumë tension ditën e Shën Valentinit për ta kthyer në një ditë sa më romantike. Megjithatë për sa kohë e shijoni të dy, do të thotë që po e kaloni ditën siç duhet. Nëse dëshironi ta bëni më interesante festën e të dashuruarve, hidhini një sy këtyre këshillave:
- Bëni seks para darkës
Mendoni pak, pini një gotë verë, pastaj një tjetër, pastaj një tjetër. Më pas vjen darka e ëmbëlsira, e papritur ka ardhur mesnata e të nesërmen në mëngjes do të niseni për punë. Kur je i ngopur në ushqim, i trullosur nga pija dhe i lodhur nuk janë rrethanat më të mira për të kryer marrëdhënie. Shto edhe stresin për të “mbaruar punë” shpejt sepse duhet të flesh që të zgjohesh herët, mund ta kthejë 14 shkurtin në ditën më të keqe. Prandaj është më mirë të “hyni drejt e në temë” atë ditë, e më pas të shijoni verën dhe darkën.
- Ose më mirë akoma, mëngjesin e të nesërmes
Nuk ka gjë më epshndjellëse sesa të zgjohesh në mëngjes i çlodhur dhe t’i pëshpërisësh në vesh partnerit të gjitha gjërat që do dëshironit t’i bënit mbrëmë. Seksi i mëngjesit është më i miri edhe për arsyen se e nis ditën me humor të mirë dhe më një lëkurë të shndërritshme. Tregohuni korrekt në punë këto kohë që të mund të vonoheni pakëz mëngjesin e 15 shkurtit.
- Blijini njëri-tjetrit gjëra seksi për të provuar në shtrat
Qoftë një vaj masazhi, një qiri aromatik, apo vibrator, nëse doni të çoni angazhimin seksual në një nivel tjetër, sillni gjithmonë gjëra të reja.
- Çokollatë!
Nuk ka nevojë për koment. Seksi dhe çokollata e kanë vërtetuar me kohë që shkojnë bashkë.
- Bëni një gjë argëtuese më shumë se seksi
Disa njerëz e mendojnë Shën Valentinin vetëm qirinj, dritat e fikura, muzikë në sfond, ushqim afrodiziak, dhe nëse ju pëlqen, është shumë në rregull. Por nëse nuk e gjeni veten te romanticiteti, mos u ndjeni të detyruar t’i bëni këto. Në vend të romancës, provoni një aktivitet argëtues si për shembull një film, koncert, bowling etj. Një takim që do t’ju bëjë të ndiheni të bashkuar është më e rëndësishme se një darkë me katër pjata.
- Merrni një dhomë hoteli
Nëse jetoni me njerëz të tjerë, duhet patjetër të lëvizni në një vend tjetër ku të shijoni intimitetin. Falë aplikacioneve të ndryshme dhe internetit, mund të gjeni kudo dhe në çdo kohë oferta të mira.
- Kalojeni ditën duke bërë seks me mesazhe
Që ta shijoni me shumë seksin atë ditë, mbajeni njëri tjetrin të karikuar duke shprehur gjërat që do dëshironit t’i bënit njëri-tjetrit. Kështu, kur të jeni bashkë më në fund, mund të hyni drejt e në temë sepse skenarin keni shkruar gjatë ditës, e mbi të gjitha pas atyre mesazheve, vështirë të presësh akoma!
- Merrini një gift card për veten tuaj
Caktoni një buxhet, zgjidhni një dyqan të brendshmesh, shkruani masën tuaj dhe thuajini atij të zgjedhi për ju. Do të jetë emocionuese të prisni zgjedhjen e tij. Fakti që do t’ju shohë me të brendshme seksi do e emocionojë edhe atë, e më e rëndësishmja, tashmë keni një palë të brendshme seksi të reja!
